榕榕小語

28/01/2006

雞年最後兩天, 好難過… …, 由昨天中午開始到今天這刻, 我都好混沌, 唔想講說話亦唔知要做物嘢, 腦裏好多回憶湧現,  好虛幻, 糾纏在真相與虛擬之間, 難分真與假… … 

導致人有窒息的感覺, 導致一班各散東西的至愛親朋再重聚, 導致大家都要懷着沉痛去迎接狗年. 一個好壞 好令人傷心 痛心的消息.

24/01/2006

今日去做facial, 在悠揚的音樂包圍下, 好放鬆. 不過這片刻寧靜好快被一個女子打破, 她用高8度既聲音朗誦她的家事, 在未徵得本人同意下夾硬要我收聽 內容如下:

話說 佢細佬答應咗買件衫俾亞媽過年, 但又要佢出錢, 佢3細佬7, 佢好不滿 覺得好蝕, 因為佢冇想過買衫俾個亞媽過年, 覺得個啱啱出黎做嘢嘅細佬懶豪.跟住佢就埋怨佢亞媽偏心, 又沾沾自喜咁講佢細佬買咗啲有問題既陳皮俾亞媽食搞到亞媽疴咗幾日, 仲話將佢細佬既惡行唱俾公司啲同事知, 啲同事都好不值佢細佬既所作所為, 幫佢做Treatment 姐姐就話: “咁你做家姐大方啲囉” 同埋問佢件衫價值幾多錢? 係 $150 蚊. 即是佢細佬累佢大嗱嗱使多咗$45 蚊響亞媽身上.

我走既時候偷望咗呢個女子一眼, 跟住我就帶住好安慰既心情返屋企.

個天好公平, 相由心生亦都係 好好好真架!

我是在17/12於杜老誌道J/O駱克道與韓國人激戰的其中一個警員，事前遊行表現十分和平，示威都都如事先協議的由駱克道右轉入馬師道，一切都如常進行，韓人唱歌打鼓，不時友善地邀請途人加入，突然遊行隊伍不依指示轉灣，一班蒙面戴眼罩的人帶頭，衝擊在路口第一度警察防線，為了緩和示威者情緒，那道防線全是tango coy的女警，而且沒有武器， 所以一下就給示威者沖散，有的被示威的木板所傷，甚至括花了面，即使是police，她們畢竟只是女仔，落荒向我們方向回防‧

我們守在杜老誌道J/O駱克道，由於不是要地，我們只是輕裝上陣，於是立即將我們兩架trooper; 放以抵擋暴徒，幾百人如洪水一樣向我們湧來，夾雜鼓聲，唔係講笑，當時感覺好似魔戒3剛鐸被敵人進攻的情形一樣， 講真，我們只不過係廿幾歲的後生仔女，真係有少少驚，兩軍交鋒，原來韓人衣內已穿甲，並用長竹及拆下攔桿的鐵技向我們刺過來，他們更用彈叉發射鐵鏍絲，打中超痛! 有的淋不知明的液體，我們覺得”那那地”事後我驗查頭盔都發現”那”到一達達!衝擊了十幾分鐘，途中幾次後退，改由一些婦女上前，展示一些黑白的相，博你火遮眼打女人被記者影， 隊伍龍頭已抵達鴻興道DPAA，戰線已被拉得很長，我們兩隊人受兩面夾攻(因軒尼斯道已被暴徒佔據)跟住他們就開始用繩綁住我們的trooper意圖拉倒它，而我們灣仔環頭的同事也上前在車另一邊拉住角力，可能因為benz的剛水好，車身重，trooper冇被拉倒，如果唔係一定死好多人，後來我們守了個多小時，韓人卒之退去，我們成功守住杜老誌道， 我喉嚨中了一刺，兩手青腫，而也有多位同事受傷。騷亂到了夜晚，示威者都已被圍困於告士打道菲林明道橋底.

為了使18/12的遊行順利，所以不得已將這900人暫時扣押，更何況他們已犯了多項香港法律無疑，於是展開了長達11小時的拘留行動。我們的衣服不夠，在寒冬下很多同事都病了，有很多更負傷工作。我腳底的水泡也穿了，很痛!在家是少爺的我重未受過如此痛苦，足足工作了24小時才回PHQ訓地下休息。

我想話比何俊仁知，警察也凍，也痛，也有屎有尿?~!!!

但我很沮喪，在大街上，香港人也罵我們，粗口問候，我們在保護什麼?這使我和很多同事都很迷惑沮喪。我們公務員沒有政治意向的權利，並常被市民當作宣洩怨氣的工具，這個我體諒，正如前輩所講:呢d野，人工包埋~!市民的想法，有其自由，但我只係想你地用心思考下:

1.我也反對WTO，我也同情示威者，但示威者的憤怒代表可以破壞我們的家園嗎?

2.你是警察，會容許示威者帶鐵枝彈叉刀仔火水入去會展，而不採取行動嗎?這是刻意阻撓嗎?

3.警察處處容忍，講真如要武力鎮壓，很快搞掂。但為什麼要到最後一刻在港灣道才用 催淚煙?難道要在駱克、謝菲的民居間用嗎?警方真的唔夠打嗎?

4.示威者也是很可憐的，但都不是暴亂的理由，這是和平示威嗎?如此破壞香港不止，還強詞奪理是香港警方故意阻撓，他們可以這麼便宜不被起訴嗎?

5.香港人，懂得分辨是非對錯嗎?

多謝你們看完

破曉時份的一通電話, 哭泣的聲音, 多年好友一直以為你安好!? 聽着你痛苦地在細述多年來在情路上遇到的段段不幸, 痛心! 有人喜歡看見戀人傷心痛苦, 用以測試被愛有多深…, 以證明對自己在這段戀情上的重要…, 愛到這萬劫不復的境地, 我無言!

以為成為朋友一起去旅行是好平常的事, 但原來係未必, 某程度上一齊去旅行係代表兩個或幾個人各自生活模式大哂冷, 大家暫時同食 同住 同heir, 有啲物嘢 好嘢 衰嘢通通現形, 而如果途中遇到枝枝節節 意外風波, 各人仲需要有 EQ無限 互諒互讓, 否則極有可能反桌收塲.

曾經試過同個朋友去旅行, 旅程尚在warming up階段我就嬲到差啲同佢炒大獲, 但若然片佢就大家都唔會高興, 成個trip 喎硬, 為了平衡我的嬲, 最後解決方法就係打咗一個三佰幾蚊既Long Long Long D 喊哂口咁去訴苦, 呻完一餐成個人又真係好好多. 而最傷心哏住既就係事發地點在一個我好暗戀的地方 布拉格, 咁美麗既地方, 就係因為呢位朋友而糟撻咗, 刮花咗既回憶, 唔該還番比我?!!! 果位朋友到今時今日都唔知我曾經嬲佢, 而每逢有該朋友出席的遊樂都係留番俾招架得佢住的高人去撐把啦!

自此, 我認為要揾隻旅行腳, 仲慘過對親家, 如果大家玩玩吓先發現錯愛咗, 咁就唔好la…, 希望有日可以重回布拉格, re-input 啲美麗回憶, 我唔想記得曾經嬲過呢個朋友, 重要係由 布拉格開始.

深信幸運是在我手裏, 前兩個月經歷了一次友情的新體驗與朋友結伴出征埃及, 一個唔係期望好高既旅程, 事前冇特別雀躍, 連行李都係起錨前一晚通宵去執拾. 但幸運地遇到好對手, 我們的話題可以經歷幾千公里, 十多小時飛行由香港一直講到巴林, 我連旅行必用三件寶物都冇機會出鞘, 都算是一個紀錄. 成個旅程裏面, 試過在火車上宿一宵, 坐渡輪唔啱係郵輪暢遊尼羅河, 披星戴月的午夜快車, 金字塔 獅身人面像呢啲指定動作及各大講得出與講唔出等神殿, 過程經歷其實幾辛苦, 中途仲有啲枝節, 例如 我病又與烏蠅邂逅上繼而強吻, 朋友遇到色狼bell boy 輕薄, 在大市集俾人毛手毛腳, 咸豬嘴, 危險地為咗買絲巾做人情兩個人傻更更咁跟人上樓揀貨, 但開心源自人, 因為對啱親家, 我地携手去擋, 當然過程中重有幾首美麗小插曲, 現在諗起只會會心微笑.

朋友多謝你, 在我大頭痛時給予的照顧及關心, 包容我的寃口寃面, 讓存在我腦海中的 埃及是美麗無比.

送給朋友的主題曲 ～ 我係小忌廉

感謝!

面對今天應該更高興是困難, 一個人在途上更是挑戰.

Flight No: EV1017

13/01/2006

熱, 點解咁熱?因為成20度氣温我着錯衫, 係羽絨…標哂汗, 大病初癒啲頭髮响幾日之間長咗好多, 塊面啲皮膚仲有少少咔手, 兩個字”烏 where”, 先走咗去剪頭髪, 從來都覺得整頭髪, 做 facial 修甲等呢啲動作好嘥時間, 朋友話我絶對係冇做豪門亞太既 potential, 都好呀…, 總好過有potential 但又用唔着, 懷材不遇, 咪仲激心.

14/01/2006

今日訂咗馴情記既VCD, 點解會冇出DVD架? 仲唔知好人老板幾時至幫我刮到貨, “你今日拯救咗地球未呀” 就仲未出碟, 唔通真係咁泠門? 期待… …, WTO累我睇唔到RENT, 可惜! I love you boyz 個龍兄鳳弟就因為我”背”所以又 miss 咗, 再可惜!! 希望有DVD 出, 可以俾我補飛啦!!

睇咗有好多回響既叱吒頒獎, 好咯!終於啲識唱歌既人可以得到應得既認同及表彰, 唔使好似之前只要唔係啞既都話去唱歌出碟, 唔該 樣好+識造戲+冇缺憾 = 唔係識唱歌, 聽歌既人叫聽眾, 聽眾係用耳朶去聽, 用心去感受, 並唔係用眼去睇歌, 如果聲色藝俱佳我會當係bonus.