2006年08月20日
2006年8月19日
失常, 失態, 失儀, 失禮, 失準 在於外人眼中可能問題未至於如此, 但如果認識我的朋友看在眼裹就知係有幾嚴重.
今日好專登咁去香港, 係為咗去一峰的書展簽名會, 其實由頭到尾都冇諗過要攞簽名, 從來唔會 亦都冇做過這種行為, 可以見到已經心滿意足, 在於其他人來說是一種比較消極的精神支持, 但已足夠, 覺得唔需要太接近, 保留少少空間存在少少幻想, 藏在心裹默默支持反而會歷久常新.
然而 在朋友的多番鼓勵敦促下, 最後都去了排隊, 好緊張, 係非常極度, 好耐都未試過對往一個人會有咁緊張的反應, 我可以坐響佢隔離, 係從來冇諗過, 真係冇諗過, 唔知可以同佢講物, 只係好老土咁話比佢知響澳門過嚟, 之後, 又係唔知自己胡亂講物, 好好好亂, 緊張到個心幾近由個口度跳出嚟! 點解會咁架?????
朋友從未見過這種狀態的我, 可以對住幾百人都係氣定神閒 談笑自若, 零距離與明星接觸也不只一次, 今日 竟然緊張到如此景況, 唯一解釋只有是太敬仰他, 部份原因可能是之前因為timing 問題, 錯過太多, 百感交雜.
最重要而又忘記要說的心底話是: “有時 會將mp3裏的歌更換, 但他的歌曲是長存的, 每段旅程都會是我必然的伴侶, 一個人在途上, 從未感到孤單寂寞, 美麗風景 美麗心情, 全因為沿途有他的歌曲襯托, 才會精彩絶倫.”
P.S. 現在覺得 將以上剖白保留在心中細味會更窩心動人.
(0)