2006年08月07日
2006年8月5日
今日好嬲 係非常嬲, 事由開始係由我聽了trainee G小姐與客人的對話,
之後我同佢做賽後檢討,基本動作佢都唔記得, 客人講野佢經常打斷,
唔聽客人的訴求, 好似玩問答遊戲, 答快啲係醒啲 有獎咁!
其實 上述問題都唔係導致我嬲的原因, 我絶對理解對一個新人唔可以太苛求,
嬲的原因係佢對上述出錯的解釋.
佢對於唔記得之事項, 佢用一個好理所當然 理直氣壯的態度同我講: “佢之後
都有講番,個客多野問, 答得個客嚟所以唔記得講, 何況 有唔記得都唔奇吖,”我同佢講: “第一 係因為個客後來問到佢先記得講, 第二 唔可以因為個客多問題
就忘記一啲指定說話”
其實 在十日前我已再三叮囑佢要時常温習.
佢忿忿不平地回應: “因為 每次練習都是一個人, 冇互動溝通, 所以係會唔記得”
可能係冇預計到有人可以做錯事都可以咁理直氣壯, 以及 佢既態度講緊比我知係
我過份要求 挑剔! 我好嬲, 火滾既程度指數如果由0 到 10, 當時起碼會係 8.
然後 佢仲好激動地講: “每個人都將佢同 C小姐比較…, 覺得C小姐係我首席愛徒,
所以 得到好多人厚待, 聽到好多評論佢自己既事非…, 我因為聽信其他人的閒言閒語,
而影響對她的印象” 跟住開始喊…
我回應佢: “冇人將佢同C小姐比,如果佢咁諗, 係佢自己心態有問題, 至於是非
我的意見是每一間公司都有是非, 而是非與事實 是一線之隔, 但我知點去區分,
現在她要做的是把基本工作做好…”
跟住佢仍然 忿忿不平, 絮絮不休, 我唔想同佢糾纏, 我好強調: “今日我只想討論
對客人態度的問題, 唔想談論C小姐及其他是非, 至於對於佢個人都係嗰句做好本份.”
佢仲喊, 完全一副不可理喻, 一哭 二罵的姿態.
後記: 因為太嬲, 我打了一通電話給香港同事, 告解一番. 然後見到G小姐, 佢若無其事.
對於 佢閣下我既結論係佢失常, 佢有一筐擔心 不忿 寃氣, 忍咗好耐要發洩 開解, 所以
佢今日同我講完 安撫完 舒服哂! 而每隔一段時間, 同類事件就會上演, 上次對像係我同事,
佢隔一段時間就失常, 要人定時去安慰, 或者鬧吓都好, 起碼證明到自己既存在.
但唔知佢 閣下知唔知道, 佢既所作所為係會影響到我, 我真係會去諗, 我有冇偏心C小姐,
其實真係冇, 因為 從來冇諗過將佢兩個相提並論, 反而 係佢不斷的去提醒我, 而對於佢
理所當然性的 失憶 唔記得的詨辯, 我覺得係不負責任, 我都唔明佢諗物, 係咪我要求太高不可攀?
今日既嬲係我好耐未試過, 激親真係好辛苦, 無論你可唔可以反駁佢都好. 當我好嬲的時候,
係唔會想講野. 以前 喜歡據理力爭, 甚至得理不曉人. 成長了 方知道對有些事 有些人 沒理念
沒邏輯 有理說不清, 只想盡快離場, 不想糾纏, 免得沒完沒了.
今日寫這封信寫了三個多小時, 好攰!
(0)