失常, 失態, 失儀, 失禮, 失準 在於外人眼中可能問題未至於如此, 但如果認識我的朋友看在眼裹就知係有幾嚴重.

然而 在朋友的多番鼓勵敦促下, 最後都去了排隊, 好緊張, 係非常極度, 好耐都未試過對往一個人會有咁緊張的反應, 我可以坐響佢隔離, 係從來冇諗過, 真係冇諗過, 唔知可以同佢講物, 只係好老土咁話比佢知響澳門過嚟, 之後, 又係唔知自己胡亂講物, 好好好亂, 緊張到個心幾近由個口度跳出嚟! 點解會咁架?????

朋友從未見過這種狀態的我, 可以對住幾百人都係氣定神閒 談笑自若, 零距離與明星接觸也不只一次, 今日 竟然緊張到如此景況, 唯一解釋只有是太敬仰他, 部份原因可能是之前因為timing 問題, 錯過太多, 百感交雜.

最重要而又忘記要說的心底話是: “有時 會將mp3裏的歌更換, 但他的歌曲是長存的, 每段旅程都會是我必然的伴侶, 一個人在途上, 從未感到孤單寂寞, 美麗風景 美麗心情, 全因為沿途有他的歌曲襯托, 才會精彩絶倫.”

P.S. 現在覺得 將以上剖白保留在心中細味會更窩心動人.

2006年8月14日

寫這篇Blog的時候心情是有啲驚, 15/16, 唔知想點,估計今晚都唔駛旨意訓得著.事緣 是明天要在耳朵做一個小手術, 講到要割自己啲肉或多或少會諗多少少, 將這篇日誌今日post 係唔想比人知我驚, 亦都唔想有人為我擔心, 因為 人前人後我嘅答案都係好小事, 聽日 待一切安好我會公告天下｡

2006年8月15日

我以為噚晚會失眠, 點知都瞓到, 埋單總共係瞓咗四個幾鐘, 手術時間10點30分,  8點30分起床, 時間應該啱到不得了, 但無奈 原來我記錯手術時間, 點解會咁架????? 發現嘅時候已經9點40分, 我仲懶個悠閒咁響度慢慢執嘢, 當我執到張醫院預約咭時先知出事, 手術時間原來係 9點30分, 好似拍戲咁 個電話同時響起, 係醫院打嚟, 我話記錯時間, 個護士姐姐話: “為著唔妨礙醫生及手術室安排, 要求我改約時間”, 我好亂, 明明做好心理準備今日開刀架嗎……, 於是……

我小小大話咁同佢講: “我已經揸緊車 嚟緊好快到” 護士姐姐惟有叫我 “盡快”.

唉 從來都覺得自己係小事糊塗 大事精明, 但近期一忙起上嚟 就會有啲神經質, 啲嘢亂哂籠, 一切完全錯配. 我好信邪 呢個朝早只係悲慘一日的開始｡

為咗快 車都冇揸, 搭的士碌去醫院, 途中個司機不停咁同我講嘢, 唔知佢物事, 佢兜錯路, 因為 太太太趕, 我惟有落車行咗兩個街口, 跑咗4層樓梯先至去到個counter 報到, 對於一個未食早餐將要做手術嘅人嚟講係唔係激咗啲? 一輪手續加等咗一陣, 響我有心情開始諗 開始驚嘅時候, 護士通知我要入手術室…..｡

當瞓響手術床上, 眼光光望住個天花 同啲燈光, 聽到醫生同護士討論手術過程安排,最鏗鏘有力的是手術用具互相碰撞所發出的聲響, 我腦裏面出現了Bobby 當日做手術的情景, 我想喊 原來個感覺係咁差嘅｡

手術開始 最痛就係打入耳背果兩枝麻醉針, 我惟有用力“鍊”住張被｡個護士姐姐可能知我驚, 有一句冇一句咁 “撩”我傾計, 又問我有冇人陪我嚟｡現場有幾個醫生旁聽, 成個手術進度過程都我都一清二楚, 但有時有啲嘢係唔清唔楚會好啲, 手術個幾鐘, 好似過咗幾年咁, 手術完成, 觀察期間 醫生將割出來的東西給我看, 我用個背脊”得”住佢 咪埋眼唔睇, 其他醫生好明白咁笑咗｡ 

坦白講原來我諗住神不知 鬼不覺咁唔比人知, 但原來係唔得嘅, 啲麻醉藥真係强, 雖然話係局部, 但係有啲暈暈地, 醜婦終需見家翁, 當我打比細佬叫佢嚟車我嘅時候, 嚇咗佢一跳, 唔知佢係唔係極速飄移, 佢用咗8分鐘就嚟到醫院, 見到佢 個心踏實咗, 但當佢話比我知之前係同姑姐一齊響公司出嚟, 唉 比姑姐知道 咁我就知大鑊……! 

結果 個電話不停咁響, 三個鐘頭內我聽咗8個電話, 覆咗2個sms, 個手術過程我重覆講咗8次, 其中有啲仲要我安慰返佢, 好攰 好眼瞓, oh give me a break, pls! 我聽日仲要晨雞咁早起床返工呀! 小病是福 放過我啦!

麻醉藥力散去, 痛醒咗, 寫吓Blog 希望可以分散注意力, 現在 Blog又寫完可以做啲物??? 以上就係本人今日 “錯亂一天”的經歷, 就係因為我失憶令到成日亂哂籠的結局｡

p.s. 各位親密戰友 至愛親朋 姊妹兄弟 死黨, 養傷期間 謝絶探訪, 望請見諒! 多謝關心! 

由加入現在這間公司工作開始, 這持續了5年的習慣…

每天早上一杯咖啡, 初期 喜歡上它只為它可以提神醒腦,

現在 咖啡因的刺激相信對我已起不了甚麼作用, 愛的是

那一杯在手的感覺, 讓人在忙碌中得到片刻偷來的閒逸.

除此 我還喜歡泡咖啡, 漫遊咖啡店是一種享受, 每次買到

新口味, 享受的不特止是口感, 在沖泡過程中其樂無窮.

為一杯對口味的咖啡, 可以勞心勞力, 大費周章, 有時

會把不同的咖啡粉混在一起配製新口味, 其實 愛的是

泡製中的期待, 就像聖誕節小朋友拆禮物的心情充滿開心驚喜.

每到一個新地方介意的不是食物, 而是咖啡. 基於對它的偏執,

有個必做指定動作, 嚐嚐當地的咖啡, 讓最好的 最差的盡留心中回味.

有時 一杯咖啡可以勾引出 某次旅程 某個地方 某個片段的回憶…

快樂 可以來自 嗅覺 視覺 聽覺

今時今日 我的嗅覺快樂 Espresso,

視覺快樂 Blue Berry Cheese Cake,

聽覺快樂 超人迪加 + 叮噹主題曲.

坐飛機窗口位好耐都未試過…

曾經試過為免打擾旁邊睡夢中的乘客, 十多個小時瑟縮在窗口位,

又試過當我講: “麻煩 唔該讓開一下”, 得到的是 “o習” 一聲,

這個 “o習” 等同於一個 “藐” 嘴動作, 甚至更可恨,

而我受到如此禮遇, 仍然 繼續笑容, 繼續唔該. 所以 除非在

Check in 的時候失憶 跌腦, 否則 窗口位請我都唔坐.

今日返屋企一排三個位俾我霸哂 好抵^-^, 隨着引擎的奏鳴, 如箭離絃

一飛沖天, 隱沒在烟霞下的陸地, 披著落日的餘光, 擦過雲層的震動感,

配以一首強勁節拍的歌曲作襯底, 感覺 好正!

2006年8月5日 

今日好嬲 係非常嬲, 事由開始係由我聽了trainee G小姐與客人的對話,

之後我同佢做賽後檢討,基本動作佢都唔記得, 客人講野佢經常打斷,

其實 上述問題都唔係導致我嬲的原因, 我絶對理解對一個新人唔可以太苛求,

佢對於唔記得之事項, 佢用一個好理所當然 理直氣壯的態度同我講: “佢之後

我同佢講: “第一 係因為個客後來問到佢先記得講, 第二 唔可以因為個客多問題

就忘記一啲指定說話”

其實 在十日前我已再三叮囑佢要時常温習.  

佢忿忿不平地回應: “因為 每次練習都是一個人, 冇互動溝通, 所以係會唔記得”  

可能係冇預計到有人可以做錯事都可以咁理直氣壯, 以及 佢既態度講緊比我知係

然後 佢仲好激動地講: “每個人都將佢同 C小姐比較…, 覺得C小姐係我首席愛徒,

所以 得到好多人厚待, 聽到好多評論佢自己既事非…, 我因為聽信其他人的閒言閒語,

我回應佢: “冇人將佢同C小姐比,如果佢咁諗, 係佢自己心態有問題, 至於是非

我的意見是每一間公司都有是非, 而是非與事實 是一線之隔, 但我知點去區分,

跟住佢仍然 忿忿不平, 絮絮不休, 我唔想同佢糾纏, 我好強調: “今日我只想討論

對客人態度的問題, 唔想談論C小姐及其他是非, 至於對於佢個人都係嗰句做好本份.”

後記: 因為太嬲, 我打了一通電話給香港同事, 告解一番. 然後見到G小姐, 佢若無其事.

對於 佢閣下我既結論係佢失常, 佢有一筐擔心 不忿 寃氣, 忍咗好耐要發洩 開解, 所以

佢今日同我講完 安撫完 舒服哂! 而每隔一段時間, 同類事件就會上演, 上次對像係我同事,

但唔知佢 閣下知唔知道, 佢既所作所為係會影響到我, 我真係會去諗, 我有冇偏心C小姐,

其實真係冇, 因為 從來冇諗過將佢兩個相提並論, 反而 係佢不斷的去提醒我, 而對於佢

今日既嬲係我好耐未試過, 激親真係好辛苦, 無論你可唔可以反駁佢都好. 當我好嬲的時候,

係唔會想講野. 以前 喜歡據理力爭, 甚至得理不曉人. 成長了 方知道對有些事 有些人 沒理念

沒邏輯 有理說不清, 只想盡快離場, 不想糾纏, 免得沒完沒了.  

今日寫這封信寫了三個多小時, 好攰!

2006年8月1 日

今天的早晨 , 陽光明媚, 多日來的霉雨 暴雨估計已離我而去.

天有不測之風雲好戲原來在後頭, 在接近下班時間 竟然下了一場冰雹,

使京城引發了一陣小騷動. 我浪費了人生中寶貴的一個小時等的士,

昨晚 同居密友與我有意無意地看著電視, 吃著西瓜之際, 她突然

冒出一句 “這些是甚麼電視節目”, 誠然 我亦有同感, 但從來

我都沒有宣之於口, 避談是為免互相影響對這地方的觀感.

其實 上次回澳門的時候, 我可以把都市閒情都看得津津有味,

就知道那飢渴的程度.

今天不停地在回想考究這個問題, 結論是我們是不能融入此處生活,

我們每日都在做著重覆一件事 “比較” 從日常生活習慣 環境,

看待或做事方式, 對人態度, 語言 情緒表達, 各種事上都不停地

在比較, 過程中時有出現 抗拒不滿的情緒, 使人很疲累 沮喪.