2006年01月23日
破曉時份的一通電話, 哭泣的聲音, 多年好友一直以為你安好!? 聽着你痛苦地在細述多年來在情路上遇到的段段不幸, 痛心! 有人喜歡看見戀人傷心痛苦, 用以測試被愛有多深…, 以證明對自己在這段戀情上的重要…, 愛到這萬劫不復的境地, 我無言!
途上風光無限, 何苦留戀這驚鴻一瞥. 從來情傷都是自醫自救, 我愧疚自責平日對朋友你的疏忽, 現在我會做一個最好的聆聽者, 以緩和你內心的痛…
(0)2006年01月22日
以為成為朋友一起去旅行是好平常的事, 但原來係未必, 某程度上一齊去旅行係代表兩個或幾個人各自生活模式大哂冷, 大家暫時同食 同住 同heir, 有啲物嘢 好嘢 衰嘢通通現形, 而如果途中遇到枝枝節節 意外風波, 各人仲需要有 EQ無限 互諒互讓, 否則極有可能反桌收塲.
曾經試過同個朋友去旅行, 旅程尚在warming up階段我就嬲到差啲同佢炒大獲, 但若然片佢就大家都唔會高興, 成個trip 喎硬, 為了平衡我的嬲, 最後解決方法就係打咗一個三佰幾蚊既Long Long Long D 喊哂口咁去訴苦, 呻完一餐成個人又真係好好多. 而最傷心哏住既就係事發地點在一個我好暗戀的地方 布拉格, 咁美麗既地方, 就係因為呢位朋友而糟撻咗, 刮花咗既回憶, 唔該還番比我?!!! 果位朋友到今時今日都唔知我曾經嬲佢, 而每逢有該朋友出席的遊樂都係留番俾招架得佢住的高人去撐把啦!
自此, 我認為要揾隻旅行腳, 仲慘過對親家, 如果大家玩玩吓先發現錯愛咗, 咁就唔好la…
, 希望有日可以重回布拉格, re-input 啲美麗回憶, 我唔想記得曾經嬲過呢個朋友, 重要係由 布拉格開始.
深信幸運是在我手裏, 前兩個月經歷了一次友情的新體驗與朋友結伴出征埃及, 一個唔係期望好高既旅程, 事前冇特別雀躍, 連行李都係起錨前一晚通宵去執拾. 但幸運地遇到好對手, 我們的話題可以經歷幾千公里, 十多小時飛行由香港一直講到巴林, 我連旅行必用三件寶物都冇機會出鞘, 都算是一個紀錄. 成個旅程裏面, 試過在火車上宿一宵, 坐渡輪唔啱係郵輪暢遊尼羅河, 披星戴月的午夜快車, 金字塔 獅身人面像呢啲指定動作及各大講得出與講唔出等神殿, 過程經歷其實幾辛苦, 中途仲有啲枝節, 例如 我病又與烏蠅邂逅上繼而強吻, 朋友遇到色狼bell boy 輕薄, 在大市集俾人毛手毛腳, 咸豬嘴, 危險地為咗買絲巾做人情兩個人傻更更咁跟人上樓揀貨, 但開心源自人, 因為對啱親家, 我地携手去擋, 當然過程中重有幾首美麗小插曲, 現在諗起只會會心微笑.
朋友多謝你, 在我大頭痛時給予的照顧及關心, 包容我的寃口寃面, 讓存在我腦海中的 埃及是美麗無比.
送給朋友的主題曲 ～ 我係小忌廉
2006年01月16日
感謝!
面對今天應該更高興是困難, 一個人在途上更是挑戰.
Flight No: EV1017
| 1